Компания

Халықаралық форум

«Kazpetrol Group» ЖШС басшылығы мен қызметкерлері 2026 жылғы 2–3 сәуір күндері Астана қаласында өткен GEOSCIENCE & EXPLORATION CENTRAL ASIA 2026 халықаралық геологиялық форумына қатысты.

Аталған форум өңірдегі геология саласындағы маңызды іс-шаралардың бірі ретінде мемлекеттік органдардың, ұлттық геологиялық қызметтердің, бизнес қауымдастықтардың және Орталық Азия елдері үкіметтерінің өкілдерін, сондай-ақ әлемнің 20-дан астам елінен келген қатысушыларды біріктірді.

Форум геология саласын дамытудың стратегиялық бағыттарын, минералдық-шикізат ресурстарын игеру мен зерттеуді, заманауи технологияларды енгізуді, халықаралық ынтымақтастықты нығайтуды және тұрақты жер қойнауын пайдалануды қамтамасыз ету мәселелерін талқылауға арналған ауқымды диалог алаңына айналды.

Іс-шара бағдарламасы жоғары деңгейдегі пленарлық отырыстарды, тақырыптық және панельдік сессияларды, озық технологиялар көрмесін, сондай-ақ инновациялық жобалардың таныстырылымдарын қамтыды. Форум аясындағы негізгі оқиғалардың бірі – «Орталық Азия геологиясы: мүмкіндіктер кеңістігі. XXI ғасырдың сын-қатерлері мен келешегі» тақырыбындағы пленарлық сессия болды.

Форум барысында қатысушылар келесі өзекті мәселелерді жан-жақты талқылады:

·         Геология саласының стратегиялық дамуы және оның өңір экономикасындағы рөлі;

·         Жер қойнауын пайдалану саласындағы заңнаманы жетілдіру және инвестициялық тартымдылықты арттыру;

·         Цифрландыру, геотехнологиялар және заманауи геологиялық барлау әдістерін енгізу;

·         Табиғи ресурстарды тұрақты басқару және ESG қағидаттары;

·         Халықаралық және өңіраралық серіктестікті дамыту.

Kazpetrol Group форум жұмысына белсенді қатысып, өз тәжірибесі мен кәсіби құзыретін ұсынды. Компания мамандары пленарлық пікірталастар мен тақырыптық сессияларға белсенді қатысып, геологиялық барлау, өндірістік процестерді цифрландыру және жер қойнауын пайдаланудың тиімділігін арттыру бағытындағы заманауи тәсілдерді талқылады.

Форум аясында саланың жаһандық сын-қатерлері жағдайындағы трансформациясына ерекше назар аударылды. Атап айтқанда, ресурстарға деген сұраныс құрылымының өзгеруі, экологиялық жауапкершілік талаптарының артуы және инновациялық технологияларды енгізу қажеттілігі кеңінен қарастырылды.

GEOSCIENCE & EXPLORATION CENTRAL ASIA 2026 форумына қатысу Kazpetrol Group үшін халықаралық серіктестермен іскерлік байланыстарды нығайтуға, жетекші сарапшылармен тәжірибе алмасуға және саланың болашақ даму бағыттарын айқындауға мүмкіндік берді.

Компания өндірістік тиімділікті арттыруға, заманауи технологиялық шешімдерді енгізуге және кадрлық әлеуетті дамытуға бағытталған тұрақты даму стратегиясын жүйелі түрде жүзеге асыруда. Халықаралық кәсіби алаңдарға қатысу Kazpetrol Group компаниясының жаһандық салалық күн тәртібінің бір бөлігі болуға ұмтылысын және өңірдегі геология саласының дамуына қосып отырған үлесін айқындайды.