Компания

Құрмет ордені

Республика күні мейрамы қарсаңында Kazpetrol Group ЖШС-нің Бас директоры Ержан Кәкімұлы Тазабеков экономикаға, оның дамуына қосқан елеулі үлесі үшін жоғары мемлекеттік марапат – *Құрмет орденіне ие болды.

Ержан Кәкімұлы – қаржы, жобаларды басқару саласындағы тәжірибелі маман. Компания басшысы ретінде кәсібилігі мен көшбасшылық қабілеттерін көрсете білді.

Оның басшылығымен мекеме елеулі табыстарға қол жеткізіп, Қазақстанның мұнай-газ саласындағы тәуелсіз мұнай өндіруші ұйымдар арасында жетекші компаниялардың біріне айналды.

Ержан Кәкімұлы: «Әрине, мемлекет тарапынан берілген осы марапат – мен үшін өте жоғары баға!

Бұл марапат тек маған емес, компания ұжымына жасалған құрмет деп санаймын! Барлық бастамаларға әрдайым қолдау көрсеткен әріптестеріме және басшылыққа өзімнің алғысымды білдіремін!

Бұл біздің компанияның елге, қоғамға сіңірген еңбегі үшін берілген марапат деп есептеймін!»

-----------

*Құрмет ордені — Қазақстан Республикасының 1993 жылы ҚР Президентінің Жарлығымен белгіленген. Орденмен экономиканы, әлеуметтік саланы, ғылым мен мәдениетті, білімді дамытуға еңбек сіңірген қайраткер азаматтар марапатталады.