Компания

Kerui Group компаниясының Kazpetrol Group компаниясына сапар

«KERUI GROUP» ЖШС өкілдерінің жұмыс сапары

«Kazpetrol Group» ЖШС мен «Kerui Group» ЖШС арасындағы ынтымақтастық 2024 жылдан бері жалғасып келеді. Осы кезеңде компаниялар Оңтүстік Қайыркелды кен орнында Нұралы мұнай-газ дайындау қондырғысына газ айдауға арналған газ қысымын арттыру компрессорлық қондырғысын жеткізу және орнату бойынша бірлескен жобаны жүзеге асырды.

2026 жылы тараптардың өзара іс-қимылы жаңа жоба – су тазарту қондырғысын салу аясында одан әрі жалғасты. Жобаны іске асыруға қажетті жабдық нысанға жеткізіліп, қазіргі уақытта құрылыс жұмыстары жүргізілуде.

Kerui Group – мұнай-газ саласына арналған кешенді шешімдерге маманданған халықаралық өнеркәсіптік топ. Компания мұнай-газ жабдықтарын әзірлеу және өндірумен айналысады, инженерлік және сервистік қызметтер көрсетеді, сондай-ақ мұнай-газ және энергетикалық нысандарға арналған шешімдерді жүзеге асырады.

«Kerui Group» ЖШС өкілдерінің «Kazpetrol Group» ЖШС-не жұмыс сапары аясында бас кеңседе жұмыс кездесуі өтті. Кездесу барысында тараптар ынтымақтастықтың ағымдағы мәселелерін, су тазарту қондырғысын салу жобасының іске асырылу барысын, сондай-ақ негізгі техникалық және ұйымдастырушылық мәселелерді талқылады.

Кездесу барысында құрылыс жұмыстарының қазіргі кезеңіне, жұмыстарды үйлестіруге және екі компания мамандарының одан әрі өзара іс-қимылына ерекше назар аударылды. Тараптар жұмыстарды орындау ретін, жабдықты монтаждау мәселелерін және жобаны іске асырудың кейінгі кезеңдеріндегі негізгі міндеттерді қарастырды.

Жұмыс кездесуінен кейін «Kerui Group» ЖШС өкілдері «Kazpetrol Group» ЖШС мамандарымен бірге кен орнына барып, БКНС нысанындағы құрылыс жұмыстарының қазіргі жағдайымен танысты. Сондай-ақ мамандар техникалық шешімдерді, жабдықты монтаждау мәселелерін және нысандағы алдағы жұмыстарды ұйымдастыру мәселелерін талқылады.

Сапардың практикалық бөлігі қатысушыларға жобаның іске асырылу барысын нысанның өзінде бағалауға, ағымдағы жұмыс мәселелерін жедел талқылауға және оларды шешу бойынша ортақ тәсілдерді келісуге мүмкіндік берді.

Осылайша, жаңа жоба 2024 жылы басталған ынтымақтастықтың жалғасы болып табылады. Бірлескен жұмыс барысында жинақталған тәжірибе мен өндірістік міндеттерді өзара түсіну жаңа жобаларды тиімді іске асыруға берік негіз қалыптастырады.

Сапар қорытындысы бойынша тараптар одан әрі ынтымақтастықтың негізгі бағыттарын айқындап, су тазарту қондырғысын салу жобасын уақтылы әрі сапалы іске асыру мақсатында бірлескен жұмысты жалғастыруға уағдаласты.